អធិការដ្ឋាននគរបាលខណ្ឌមានជ័យ ឃាត់ខ្លួនជនសង្ស័យ ០១នាក់ ពាក់ព័ន្ធករណីហិង្សាដោយចេតនាមានស្ថានទម្ងន់ទោស (យកដំបងឬស្សីវាយបណ្តាលអោយរបួស)
👤ជនសង្ស័យ :
១-ឈ្មោះ លាង ប៉ាវ ភេទប្រុស អាយុ ២៨ឆ្នាំ មុខរបរ នៅផ្ទះ ស្នាក់នៅផ្ទះលេខ២០០ ផ្លូវលំ ភូមិភ្នាត សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ (ឃាត់ខ្លួនមានផ្ទុកសារធាតុញៀន) ។
👤ជនរងគ្រោះ :
១-ឈ្មោះ ប៉ោ ជួរ ភេទប្រុស អាយុ ៧០ឆ្នាំ ស្នាក់នៅផ្ទះលេខ២៤៩ ផ្លូវលំ ភូមិភ្នាត សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
🔊ហេតុការណ៍ :
កាលពីវេលាម៉ោង ១៧:៣០នាទី ថ្ងៃទី១៣ ខែធ្នូ ឆ្នាំ២០២៣ នៅចំណុចមុខផ្ទះលេខ២៤៩ ផ្លូវលំ ភូមិភ្នាត សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ (កន្លែងកើតហេតុ) ជនសង្ស័យឈ្មោះ លាង ប៉ាវ បានឈរមើលបងថ្លៃឈ្មោះ មិត្ត សំណាង ភេទស្រី អាយុ ២៣ឆ្នាំ ឈ្លោះគ្នានិងរុញក្បាលឈ្មោះ គិរី ភេទស្រី(ត្រូវបងថ្លៃដូចគ្នាតែមិនសូវគ្រប់) ពេលនោះជនរងគ្រោះឈ្មោះ ប៉ោ ជួរ ស្នាក់នៅចំណុចកើតហេតុខាងលើបាននិយាយប្រាប់ថាកុំឈ្លោះគ្នានៅមុខផ្ទះគាត់ ស្រាប់តែជនសង្ស័យឈ្មោះ លាង ប៉ាវ បានស្រែកទៅកាន់ជនរងគ្រោះឈ្មោះ ប៉ោ ជួរ ថាស្អីហាទៅវិញទៅមក ខណៈនោះជនសង្ស័យរត់ទៅយកឆ្នូកចូកសំរាមទៅវាយឈ្មោះ ប៉ោ ជួរដល់មុខផ្ទះហើយក៍ដួលលើដីរួចឈ្មោះ ប៉ោ ជួរ បានយកដំបងឬស្សីប្រហែលមួយម៉ែត្រមកវាយឈ្មោះ លាង សុខប៉ាវ តែមិនត្រូវ ក៏ឈ្មោះ លាង សុខប៉ាវ ក្រោកពីដីទៅជាន់ខ្លួន និងដៃទាញដំបងឬស្សីពីដៃឈ្មោះ ប៉ោ ជួរ រួចវាយឈ្មោះ ប៉ោ ជួរបណ្តាលអោយរបួស បាក់ដៃខាងឆ្វេង រហែកប្រអប់ដៃខាងស្តាំហូរឈាម និងរបួសក្បាល រួចសាច់ញ្ញាតិជនរងគ្រោះក៏បញ្ជូនជនរងគ្រោះទៅសង្គ្រោះនៅមន្ទីពេទ្យរុស្សី ។ លុះដល់វេលាម៉ោង០៧ និង ៣០នាទី ថ្ងៃទី១៤ ខែធ្នូ ឆ្នាំ២០២៣ សមត្ថកិច្ចឃាត់បានជនសង្ស័យឈ្មោះ លាង សុខប៉ាវ ធ្វើការសាកសួរនៅទីស្នាក់ការប៉ុស្តិ៍នគរបាលស្ទឹងមានជ័យទី២តែម្តង ។ ក្រោយកើតហេតុជនសង្ស័យបានយកដំបងឬស្សីនោះបោះចោលរកមិនឃើញ ។
-បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕







