បន្ទាយមានជ័យ÷ នៅថ្ងៃអាទិត្យ៧កើតខែអាស្សុជ្ន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនិងថ្ងៃទី០២ ខែតុលា ឆ្នាំ២០២២នេះ ឩត្តមសេនីយ៍ឯក មួង សុធា អគ្គស្នងការរងនគរបាលជាតិ និងជាប្រធានក្រុមជំនួយការលេខាធិការដ្ឋានគ្រប់គ្រងគ្រោះមហន្តរាយក្រសួងមហាផ្ទៃ តំណាង ឯកឧត្តមបណ្ឌិត ស៊ាង ប៊ុនលាង រដ្ឋលេខាធិការក្រសួងមហាផ្ទៃ ជាទីប្រឹក្សាផ្ទាល់សម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានលេខាធិការដ្ឋានគ្រប់គ្រងគ្រោះមហន្តរាយរបស់ក្រសួងមហាផ្ទៃ បានអញ្ជើញត្រួតពិនិត្យស្ថានភាពទឹកជំនន់ និងនាំយកអំណោយចែកជូនប្រជាពលរដ្ឋ ដែលរងគ្រោះដោយជំនន់ទឹកភ្លៀង នៅភូមិព្រះពន្លា ភូមិតាទង់ និងភូមិក្បាលស្ពាន សង្កាត់ព្រះពន្លា ក្រុងសេរីសោភ័ណ្ឌ ខេត្តបន្ទាយមានជ័យ ។
ក្នុងឱកាសនោះដែរ ឯកឧត្តម បាននាំយកពាក្យផ្ដាំផ្ញើពីសម្ដេច ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាសាកសួរសុខទុក្ខ ដល់បងប្អូនប្រជាពលរដ្ឋដែលរស់នៅក្នុងខេត្តបន្ទាយមានជ័យ ចូរបង្កើនការប្រុងប្រយ័ត្នឱ្យបានខ្ពស់ ដោយសារទឹកជំនន់ ព្រោះនៅទីនោះ ជាតំបន់ទំនាប ជាប់នឹងព្រំដែនប្រទេសថៃ ៕
p>





