ស្រុកជលគិរី៖ នៅព្រឹកថ្ងៃទី១ ខែមេសា ឆ្នាំ២០២៣ ឯកឧត្តមគុយសុផល ទេសរដ្ឋមន្ត្រី រដ្ឋមន្ត្រី ទទួលបន្ទុកកិច្ចការទូទៅ នៃក្រសួងព្រះបរមរាជវាំង តំណាង ដ៏ខ្ពង់ខ្ពស់ សម្ដេចចៅហ្វាវាំង គង់ សំអុល និងប្រតិភូអមដំណើរ ឯកឧត្តមលោកជំទាវ លោកលោកស្រី ក្រុមការងារ ថ្នាក់កណ្ដាល ចុះជួយស្រុកជលគិរី បាននាំយកអំណោយ ជូនប្រជាពលរដ្ឋ ចំនួន ១០ភូមិ សរុបចំនួន ២៧០ គ្រួសារ រស់នៅភូមិតាមល់លើ ស្រុកជលគិរី ខេត្តកំពង់ឆ្នាំង។
ដោយក្នុងមួយគ្រួសារ ទទួលបាន ដូចជា៖ អង្ករ ២០ គីឡូក្រាម, មីមួយកេស ត្រីខមួយកេស, ទឹកស៊ីអ៊ីវមួយយួរ, ទឹកត្រីមួយយួរ, នំបុ័ង ទឹកសុទ្ធ, និងថវិកា ចំនួន ២ ម៉ឺនរៀល។ ឯកឧត្តម ក៏បានឧបត្ថម្ភ ប្រជាពលរដ្ឋ ភូមិគជ្រុំ ចំនួន ១៥០ គ្រួសារ ក្នុងមួយគ្រួសារទទួលបាន សារុងមួយ, ថវិកា១ម៉ឺនរៀល និង ក្រុមការងារថ្នាក់ភូមិ ឃុំ និងកងកម្លាំងការពារ។







