ឃាត់ខ្លួនជនសង្ស័យចំនួន ០២នាក់ ពាក់ព័ន្ធករណីអំពើប៉ុនប៉ងឃាតកម្ម យកដុំថ្ម និងឈើជ្រុងវាយគ្នាបណ្តាលឲ្យរបួស"
សារព័ត៌មាន SH-NEWS មានទីស្នាក់ការស្ថិតនៅតាមបណ្តោយផ្លូវលំ ក្នុងភូមិរកាកុះ សង្កាត់ព្រៃសរ ខណ្ឌដង្កោ រាជធានីភ្នំពេញ ។ "សូមអរគុណ"

ឃាត់ខ្លួនជនសង្ស័យចំនួន ០២នាក់ ពាក់ព័ន្ធករណីអំពើប៉ុនប៉ងឃាតកម្ម យកដុំថ្ម និងឈើជ្រុងវាយគ្នាបណ្តាលឲ្យរបួស"

ភ្នំពេញ÷នៅថ្ងៃទី០៣ ខែវិច្ឆិកា ឆ្នាំ២០២២ វេលាម៉ោង ០៩ម៉០០នាទី កម្លាំងប៉ុស្ដិ៍នគរបាលស្ទឹងមានជ័យទី៣ បានធ្វើការ​ឃាត់ខ្លួនជនសង្ស័យ​ ០២នាក់ឈ្មោះ ខុំ ខាន ភេទប្រុស អាយុ ១៧ឆ្នាំ និងឈ្មោះ ស៊ុំ ឡូន ភេទប្រុស អាយុ ៣២ឆ្នាំ នៅចំណុចបណ្តោយផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ពាក់ព័ន្ធករណីអំពើប៉ុនប៉ងឃាតកម្ម (យកដុំថ្ម និងឈើជ្រុងវាយគ្នាបណ្តាលឲ្យរបួសធ្ងន់ធ្ងរ) ដែលបានប្រព្រឹត្តនៅចំណុចមុខឃ្លាំងលេខ២ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ​រាជធានីភ្នំពេញ កាលពីថ្ងៃទី០១ ខែវិច្ឆិកា ឆ្នាំ២០២២ វេលាម៉ោង ២០ម៉២០នាទី ។

ជនរងគ្រោះឈ្មោះ បៀន សុវណ្ណនីរ៉ា ភេទប្រុស អាយុ ១៧ឆ្នាំ ​ជនជាតិខ្មែរ ទីលំ​នៅបច្ចុប្បន្នស្នាក់នៅផ្ទះលេខ៤៥A ផ្លូវលំ សង្កាត់ទឹកថ្លា ខណ្ឌសែនសុខ ​រាជធានីភ្នំពេញ មុខរបរ សិស្ស (របួសក្បាលធ្ងន់ធ្ងរកំពុងសម្រាកនៅមន្ទីពេទ្យ)ជនសង្ស័យដែលសមត្ថកិច្ចឃាត់រួមមាន÷១
.ជនសង្ស័យឈ្មោះ ខុំ ខាន ភេទប្រុស អាយុ ១៧ឆ្នាំ ជនជាតិខ្មែរ ស្នាក់នៅឃ្លាំងលេខ២ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ​រាជធានីភ្នំពេញ មុខរបរ មេការឃ្លាំង (មិនមានផ្ទុកសារធាតុញៀន)។​

២.ជនសង្ស័យឈ្មោះ ស៊ុំ ឡូន ភេទប្រុស អាយុ ៣២ឆ្នាំ ជនជាតិខ្មែរ ស្នាក់នៅបន្ទប់ជួលលេខ៨ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ ​រាជធានីភ្នំពេញ មុខរបរ មេការឃ្លាំង (មិនមានផ្ទុកសារធាតុញៀន)។​បច្ចុប្បន្នជនសង្ស័យ​រួមទាំងវត្ថុតាងខាងលើ សមត្ថកិច្ចកំពុងសាកសួរនៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធីច្បាប់ ៕
Previous Post Next Post