រតនគិរី÷ដោយមានការយកចិត្តទុកដាក់ និងចង្អុលបង្ហាញពីលោក ឧត្ដមសេនីយ៍ត្រី អ៊ុង សុភាព ស្នងការនគរបាលខេត្តរតនគិរី ស្ដីពីការបង្ការទប់ស្កាត់ និងបង្រ្កាបបទល្មើសគ្រឿងញៀន និងបទបញ្ជារបស់លោក ឧត្ដមសេនីយ៍ត្រី វ៉ាន សង្វាត ស្នងការរងផែនការងារប្រឆាំងបទល្មើសគ្រឿងញៀន។
កាលពីថ្ងៃទី២១ ខែតុលា ឆ្នាំ២០២២ វេលាម៉ោង១៨ និង០០នាទីយប់ លោកវរសេនីយ៍ឯក សុខ សែនចំរ៉ុង នាយការិយាល័យប្រឆាំងគ្រឿងញៀន បានដឹកនាំកម្លាំងចុះបង្ក្រាបករណីជួញដូរដោយខុសច្បាប់នូវសារធាតុញៀន នៅចំណុចបន្ទប់ជួលមួយកន្លែង ស្ថិតនៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ។ដោយមានការសម្របសម្រួលនិតីវិធីពី លោក កែវ ភក្ដី ព្រះរាជអាជ្ញារងអមសាលាដំបូងខេត្តរតនគិរី និងធ្វេីការឃាត់ខ្លួនជនសង្ស័យចំនួន០២មុខសញ្ញា និងបានដកហូតម្សៅក្រាមសថ្លាសង្ស័យជាសារធាតុញៀនចំនួន០១ថង់ លុះព្រឹកថ្ងៃទី២២ ខែតុលា ឆ្នាំ២០២២ សមត្ថកិច្ចបន្តនិតីវិធីឈានទៅធ្វើការឆែកឆេរបន្ទប់ជួលរបស់ជនសង្ស័យរកឃើញសម្ភារៈពាក់ព័ន្ធបទល្មើសគ្រឿងញៀនមួយចំនួន។
ជនសង្ស័យមានឈ្មោះដូចខាងក្រោម៖១.ឈ្មោះ អង ខុន ភេទប្រុស អាយុ២២ឆ្នាំ ជនជាតិទំពួន សញ្ជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នរស់នៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី២.ឈ្មោះ ព្លិក ពឿយ ភេទស្រី អាយុ២១ឆ្នាំ ជនជាតិទំពួន សញ្ជាតិខ្មែរ មុខរបររត់តុ ទីលំនៅបច្ចុប្បន្នរស់នៅភូមិ អូរកន្សែង សង្កាត់ បឹងកន្សែង ក្រុងបានលុង ខេត្តរតនគិរីលទ្ធផលតេស្តទឹកនោមរកសារធាតុញៀនជាលទ្ធផល- អង ខុន វិជ្ជមាន(+)- ព្លិក ពឿយ អវិជ្ជមាន(-)វត្ថុតាងដកហូតរួមមាន៖១.មេ តំ ហ្វេ តា មីន ចំនួន០១ថង់ ទម្ងន់សុទ្ធ១.៩៨ក្រាម២.ប្រាប់រៀលចំនួន៦០០០០រៀល ៣.អា...វុធ...ខ្លី...កែ....ឆ្នៃ....ចំនួន០១ដើម ៤.ទូរសព្ទ័ចំនួន០១គ្រឿង៥.ឧបករណ៍សេពគ្រឿងញៀនមួយចំនួន។






