នៅព្រឹកថ្ងៃទី០៦ ខែសីហា ឆ្នាំ២០២២ ដោយមានការយកចិត្តទុកដាក់ និងគិតគូរដល់សុខទុក្ខមន្រ្តីថ្នាក់ក្រោម លោកឧត្តមសេនីយ៍ទោ ហួត សុធី ស្នងការនគរបាលខេត្ត បានដឹកនាំសហការី ចុះសួរសុខទុក្ខមន្រ្តីប៉ុស្ដិ៍នគរបាលរដ្ឋបាលត្រពាំងតាវ នៃអធិការដ្ឋាននគរបាលស្រុកអន្លង់វែង ចំនួន ២នាក់ ដែលមានជំងឺកំពុងសម្រាកព្យាបាលនៅគេហដ្ឋាន មានឈ្មោះដូចខាងក្រោម ៖
១- លោកអនុសេនីយ៍ឯក ឈិត ឆុន ឋានៈ មន្រ្តី មានជំងឺលេីសឈាមស្លាប់មួយចំហៀងខ្លួន កំពុងសម្រាកព្យាបាលនៅផ្ទះ ស្ថិតនៅភូមិទួលស្វាយ ឃុំត្រពាំងតាវ ស្រុកអន្លង់វែង ។
២- លោកអនុសេនីយ៍ទោ កុល ពឿន ឋានៈ មន្រ្តី ដែលមានជំងឺតម្រងនោមទើបវះកាត់រួច កំពុងសម្រាកព្យាបាលនៅផ្ទះ ស្ថិតនៅភូមិទួលប្រាសាទ ឃុំត្រពាំងតាវ ស្រុកអន្លង់វែង ។
ក្នុងឱកាសនោះ លោកស្នងការ បានមានមតិសំណេះសំណាលពាំនាំនូវការផ្តាំផ្ញើ សួរសុខទុក្ខ ពីសំណាក់ ឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងបាននាំយកអំណោយ ជាថវិកាគ្រឿងឧបភោគបរិភោគ ភេសជ្ជៈ ផ្ដល់ជូនមន្ត្រីនគរបាលមានជំងឺទាំង ២នាក់ និងក្រុមគ្រសារ រួមមាន ៖ អង្ករ ១០០គីឡូក្រាម , ត្រីខ ២ឡូ , ទឹកត្រី ២យួរ , ទឹកស៊ីអ៊ីវ ២យួរ , ទឹកផ្លែឈើ ២កេស , ទឹកត្រចៀកកាំ ២យួរ , ទឹកដោះគោឆៅ ២ឡូ , ទឹកបរិសុទ្ធកម្ពុជា ៤កេស និងថវិកាចំនួន ៩០០,០០០ រៀល ដើម្បីផ្តល់កម្លាំងចិត្ត លើកទឹកចិត្ត និងជួយសម្រាលបន្ទុកការព្យាបាលជំងឺផងដែរ ៕










