(ភ្នំពេញ)៖ ក្រសួងធនធានទឹកបានប្រកាសថា កម្ពុជានឹងមានភ្លៀងធ្លាក់ពីតិចទៅច្រើនចាប់ពីថ្ងៃទី៣ ដល់ថ្ងៃទី ៩ ដើមខែមិថុនា។ សេចក្តីជូនដំណឹង របស់ក្រសួងធនធានទឹក និងឧតុនិយម ចេញផ្សាយនៅថ្ងៃទី ២ ខែមិថុនា ឆ្នាំ ២០២០ ដោយសារ ខ្យល់មូសុងនិរតី ដែលនឹងបក់ មកលើកម្ពុជា។ ក្រសួងធនធានទឺក ឲ្យដឹងទៀតថា នៅតំបន់មួយចំនួន ដូចជាតំបន់ទំនាបកណ្តាល សីតុណ្ហភាពអប្បបរមា មានចាប់ពី ២៥-ទៅ ២៧ អង្សារសេ។ សីតុណ្ហភាពអតិបរមា មានចាប់ពី ៣៤ ទៅ ៣៦ អង្សារសេ និងមានភ្លៀងធ្លាក់រ៉ាយប៉ាយពីមធ្យមទៅបង្គួរ នៅផ្នែកខ្លះនៅវាលទំនាបផ្នែកពាយព្យ និងភាគកណ្តាល និងអាចមានភ្លៀងធ្លាក់ច្រើន។

ចំណែកឯបណ្តារខេត្ត នៅតំបន់ជួរភ្នំដងរែក និងខ្ពង់រាប សីតុណ្ហភាពអប្បបរមា មានពី ២៤ ២៤ ដល់ ២៦ អង្សារសេ។ សីតុណ្ហភាព អតិបរមា មានពី ៣៣ ដល់៣៥ អង្សាសេ និងមានភ្លៀងធ្លាក់ពីខ្សោយទៅមធ្យម។ បណ្តារខេត្តនៅតំបន់ម៉ាត់សមុទ្រ សីតុណ្ហភាពអប្បបរមា មានពី ២៥ ទៅ ២៧ អង្សាសេ សីតុណ្ហភាព អតិបរមា មានពី ៣២ ដល់ ៣៤ អង្សាសេ។
ក្រសួងធនធានទឹក ក៏អំពាវនាវឱ្យប្រជាពលរដ្ឋ សារធារណៈជន មានការប្រុងប្រយ័ត្ន ចំពភបាតុភូតផ្គររន្ទះ និងខ្យល់កន្ត្រាក់ដែលអាច កើតមានជាយថាហេតុ។
សូមជំរាបផងដែរថា នៅយប់រំលងអាធ្រាតថ្ងៃទី ២ ខែមិថុនា នៅរាជធានីភ្នំពេញ និងបណ្តារខេត្តមួយចំនួន មានភ្លៀងធ្លាក់ខ្លាំង បណ្តាលឱ្យផ្លូវមួយចំនួន ក្នុងរាជធានីភ្នំពេញ មានទឹកជន់លិចខ្លាំង។ ក្រសួងធនធានទឹកឱ្យដឹងទៀតថា នៅព្រឹកថ្ងៃទី ២នេះបណ្តារខេត្តមួយចំនួនភ្លៀងនៅបន្តធ្លាក់ពីតិចទៅមធ្យម ដូចជាខេត្តកោះកុង ស្ទឹងត្រែងឧត្តរមានជ័យ និងខេត្តកំពត៕

